Co gallo do Día do Libro, o colexio contará coa colaboración das escritoras lucenses Marta Rivera de la Cruz e Minerva Varela Saa que, en respectivos videos dirixidos ao alumnado de Secundaria, recomendan libros e falan das lecturas que marcaron a súa adolescencia.
Falaremos tamén con Julián García García, propietario da Librería Biblos que celebra este ano o seu décimo aniversario. Contará como funciona unha librería hoxe en día na nosa cidade e falará das principais novidades editoriais para a xuventude.
