É tempo de Advento, de preparación para o Nadal e estas datas no noso colexio están moi ligadas á solidariedade. Un ano máis realízanse tres campañas solidarias moi populares entre a comunidade educativa.
A primeira, a Operación Xoguete, organizada de principio a fin por 3º E.S.O. nun Proxecto de Aprendizaxe e Servizo dentro do currículo académico deste curso que fixo entrega de varios centos de paquetes de agasallo ao Banco de Alimentos de Lugo.
Operación Quilo é a segunda das campañas e nesta ocasión foron os alumnos de 2° da E.S.O., que, durante dúas semanas, traballaron a motivación nas aulas e se encargaron da recollida, clasificación e entrega dun total de 1.600 quilos de alimentos á Asociación de Xitanos, ao Banco de Alimentos, ao Comedor Social, á parroquia da Nova e á Residencia de Anciáns.
Por último, Luz del Sur, onde en estreita colaboración co Centro San Vicente de Paúl, se entregan velas ás familias do colexio invitándoas a que os máis necesitados presenten nas súas mesas de Nadal. Os fondos recadados apoian á ONG marista SED.
