Tal día como hoxe, un 20 de maio de 1789, nacía na pequena aldea de Rosey (Francia) Marcelino Champagnat, o mozo que acabaría dando vida a un soño educativo que hoxe segue transformando a vida de miles de nenos, nenas e adolescentes en todo o mundo.
Para celebrar esta data e homenaxear o seu legado, as provincias da futura provincia Rosey, Compostela, Ibérica e Mediterránea, partillaremos ao longo das vindeiras semanas catro vídeos nas nosas redes sociais que nos achegarán á historia e ás raíces do noso fundador.
En cada peza, é o propio Marcelino quen “toma a palabra” para guiarnos por algúns dos momentos que marcaron a súa historia: a súa infancia en Rosey, o ambiente familiar onde medrou, a súa experiencia escolar, a súa vocación e o nacemento do Instituto dos Irmanciños de María.
Neste primeiro vídeo “As orixes de Marcelino” lembramos o lugar onde todo comenzou: Rosey, a pequena aldea francesa que marcou a infancia de Marcelino e que hoxe se converte no símbolo de orixe, identidade e futuro compartido, como o que vai unir en 2028 ás provincias Compostela, Ibérica e Mediterránea na futura provincia ROSEY.
Deste xeito, abrimos un percorrido que nos levará a descubrir os valores, experiencias e momentos que deron forma ao espírito marista. Acompáñasnos?
