Son varias as oportunidades de participación que ofrecemos ao noso alumnado para enriquecer a vida do colexio desde fai uns anos. Desde reunións de delegados/as ata focus groups e tradirecreos, celebramos e valoramos cada voz e experiencia. Este ano, consolidamos o noso compromiso coa participación estudantil en proxectos de aprendizaxe e servizo e outras actividades motivadoras e atractivas para eles, nas que se sinten protagonistas, parte do cambio e persoas que aportan valor ao lugar onde viven e medran.
Algunhas das oportunidades de participación neste curso son:
- Reunións de Delegados/as: Espazo onde os representantes estudantis poden expresar as inquedanzas e suxestións dos seus compañeiros e compañeiras.
- Focus Groups: Diálogo en profundidade sobre temas específicos e intercambio de ideas construtivas.
- Tradirecreos: Alternativa creativa nos recreos de ESO que serve para expresar talentos, compartir paixóns e fomentar a diversidade de habilidades entre os estudantes, sen perder de vista as nosas orixes e as nosas tradicións.
- Proxectos de Aprendizaxe e Servizo: Iniciativas que combinan o aprendizaxe académico coa acción solidaria, contribuíndo positivamente á comunidade.
- Participación en Procesos Sociais: Alumnado voluntario de 1º ESO sumouse ao proceso participativo “Infancia e Pobreza” da Plataforma da Infancia, sendo parte do cambio social.
- Taller de Iniciación Segura á Pegada Dixital: Alumnado voluntario de 2º, 3º e 4º ESO preparouse neste obradoiro para transitar o mundo dixital de maneira segura e compartirán ese coñecemento con compañeiros e compañeiras do seu curso e de cursos inferiores en charlas informativas.
- Formación de Activistas Xuvenís: O alumnado de 4º ESO únese e marca a diferenza no programa de formación de activistas xuvenís polo dereito humano á educación, dirixido pola ONG Educo.
Fagamos xuntos da nosa escola e do mundo un lugar mellor onde cada voz conta!
