Podemos anunciar que o CPR A Inmaculada é un centro cognitivamente accesible, un centro pictoaccesible.
Pero, por que consideramos tan importante este fito? Porque a inclusión é un dos principios que rexe a acción do noso centro educativo. Porque temos o firme compromiso de que a nosa escola sexa un lugar para todos, un lugar universalmente accesible, un lugar considerado “casa” por toda a comunidade educativa.
A instalación dos pictogramas de ARASAAC por todos os recantos do colexio permite ao alumnado con dificultades cognitivas ou sensoriais poder orientarse de xeito máis sinxelo, aumentar a súa autonomía e comprender mellor o seu contorno.